德國鹹豬手

前幾日, 路明有特別order......... 話想食德國鹹豬手!
咁好啦, 其實好簡單架啫, 工夫又唔多! 只要早一晚醃定, 第二日放工, 入爐焗一個鐘就有食得食喇! 係咪好方便呢???

醃料:
1. 海鮮醬1湯匙
2. 豉油3茶匙
3. 砂糖3茶匙
4. 燒酒2茶匙

做法:

1. 先將醃料搽勻豬手, 放入雪櫃醃過夜
2. 第二日, 預熱焗爐10分鐘(180度)
3. 放入豬手, 焗60分鐘, 中途要底面返轉一次(即30分鐘過後就要返)
4. 若豬手太厚肉唔熟的話, 可以自行以160度火, 焗多10分鐘, 熟透即可!
5. 切件上碟