早兩日, 阿女突然同我講: 媽媽呀, 今晚有咩餸呀?
我: 今晚有蒸排骨, 粉絲炒紹菜, 仲有湯囉......
晴晴: 咁叉燒呢.......... 今晚有冇叉燒呀?
我: 下....... 前幾日咪食過叉燒囉! 你唔記得咗咩?
晴晴: 媽媽我好想食叉燒呀! 可唔可以呀......
我: 叉燒要焗架喎, 又要早一日準備呢...... 點可以話食就食架?? 過兩日等媽媽再整比你食啦!
就係咁....... 我地又焗過叉燒食喇!!
一星期內, 食咗2次!!! 不過又真係好子味的! yummy.....
而且比出面買的清潔, 又唔驚佢地落咗色素, 食得安心又健康!!!
記得上次的叉燒好瘦, 焗完後比較乾及硬, 口感唔太好!
所以..... 今次叫咗肉檔老闆比d帶肥梅頭肉過我,
肥膏至多唔食, 但焗出黎的叉燒真係juicy好多, 唔會成條柴咁!!!!!
所以, 要做叉燒, 一定要買半肥瘦豬肉, 仲要係梅頭, 夠林嘛!!! 全瘦no good!!
材料:
半肥瘦梅頭豬肉 - 3大條 (約$60)
醃料:
绍酒 2茶匙
叉燒醬 2湯匙
海鮮醬 1湯匙
麻油 半茶匙
叉燒汁:
叉燒醬 1湯匙
海鮮醬 1湯匙
麥芽糖 1 湯匙
清水 4湯匙
做法:
1. 梅頭清洗好, 用醃料醃過夜
2. 將梅頭放入已預熱10分鐘的焗爐, 用170度火去焗, 全程焗40分鐘 (約20分後要返面)
3. 取出切去黑色燶位, 斬件備用
4. 煮滾叉燒汁, 再加入麥芽糖煮溶 (畢起80%醬汁作點菜用,因為個汁我覺得多咗d)
5. 將叉燒回鑊略炒, 讓兩面沾上少少叉燒汁即成
做法過程:
梅頭用醃料醃過夜
焗好後, 好多燶位架
切去黑色燶位, 食壞人架
斬件備用
切好的叉燒, 白白的內表, 好唔靚呀........ 要準備叉燒汁化下妝先
今次用咗380黎煮叉燒汁, 好方便! wakakaka
將叉燒回鑊略炒, 讓兩面沾上少少叉燒汁即成, yummy!!!
是否用光波爐焗?
回覆刪除[版主回覆11/04/2012 23:44:06]我係用焗爐焗的!