自從中咗Miele電蒸爐毒以黎, 終日對佢朝思暮想~~~
Search咗好多料資, 包括用家品評, 食譜, 便用方法等~~~
哈哈, 我買野前, 會做好多功課架~~
說服咗Hubby幾個月, 最近先得到permit! 哈哈哈~
路明好細心呀, 同我諗埋焗爐位置, 真抵鍚呀!
焗爐讓出個大吉位放Miele, 而佢就被我地放置係新買的層架上, 正正係Miele的對面~~~ 朝夕相對喎......
而下層就放滿我的特別造型的愛煲們 (心心, 黃椒~~~).....
Miele頂仲放咗4隻花花盅, 佢地4隻野終於從見天日啦~~~
之前因為冇位, 我放咗佢地入睡房, 依家終於返到廚房的懷抱喇~~~ 屬於佢地的地方!
另外, 諗來諗去....... 都係放生紫花, 等佢坐係新朋友仔Miele隔離啦!
送貨真係一波幾折..... 星期一買的, 話星期三可以送貨.....
兩日就送倒貨? 係真唔係呀~~~
滿心歡喜之際, 點知~~ 突然話唔得喎...... 要改星期四,
到咗星期四朝, 又話唔多得! 真係火都黎呀........ 家下玩野咩!!!
最終, 係今日下午3:00送倒貨~~~
晚上10:00已經拿拿聲開箱喇, wakakaka....... 忍咗成晚, 終於開箱! 好興奮呀!!!
估唔到Miele的protection做得咁好喎..... 外殼不銹鋼面包晒膠紙, set好晒位置, 慢慢撕掉就得~~~ 唔駛驚撞花佢呀!
接住落黎, 當然要睇說明書及洗野喇...... 又要relocate我的LC愛煲們呢.....
足足用咗2個鐘先執好位, 真係累到到CC下!
清方面, 只需用熱水加極少量洗潔精洗淨所有accessories後, 風乾後放回機內,
至於機身, 用熱水加極少量洗潔精清洗, 再過水就OK~
記得水箱唔可以放入水中清洗架, 用布加熱水抺下就可以~~~
因為水箱有電制位, 濕水的話, 一定好快玩完!!!
明晚一於同佢開光先!! 好期待呀~~~
果皮蒸鮮鮑魚仔, 金銀蒜蒸大蝦..... 好唔好呢??
外殼不銹鋼面包晒膠紙, 要花少少時間撕去
中英食譜各一份
有冇開心到想C呀 XDD
回覆刪除[版主回覆03/11/2013 16:32:27]wakakaka....... 我老公都話: 你玩得邊樣?? 又LC.... 又Miele......
[維維媽回覆03/11/2013 15:11:16]好好笑....我成日會想有咩野蒸, 攪到LC都用少左, 昨晚就全LC,唔鬼蒸, 費事冷落左我D寶貝
[版主回覆03/11/2013 15:02:22]果晚開心到失眠呀~~~ wakaka!!
你係SOGO買?
回覆刪除[版主回覆03/21/2013 18:09:10]唔係