深圳購買傢俬 (1)

上星期六放工, 同老公一齊上深圳睇傢俬, 約3:00p.m., 我地先到田貝四路附近的紅荔村食lunch, 佢地的腸粉真係好正架, 又薄又滑!!!

之後, 我地先去五方家居行, 但發現所賣的傢俬唔多, 而且仲有d'娘', 唔多啱心水呀! (佢地主要賣磁磚, 潔具, 燈飾, 窗簾等等), 所以即刻打的到寶安北路的傢俬城睇下......

成條街有好多個shoppong mall, 包括好百年, 香江傢居博覽中心, 家之褔居, 金海馬, B&Q(百安居), 家之褔, 家樂居, 樂安居, 全部都係賣傢俬架, 真係好鬼方便, 一次過睇晒!

每個場都好大, 真係行到腳都痛, 而且又多款式喎, 花多眼亂呀, 如果可以stay一晚的話, 我建議用2日時間去睇會好d........ 好似我地咁, 得果5個鐘時間, 真係好趕架...... wakakaka!











 
 




鞋櫃有好多款式, 價錢大約$600-1500人仔

依個鞋櫃好靚呀! 我超鐘意...... 但冇買! 因為今次上黎, 唔係睇鞋櫃的, 幫同事睇架咋


這款床好古典呀!



家之褔家居的傢俬都靚架, 好in, 價錢又合理, 一定平過HK! 我地係度買咗餐枱&床架!


依張就係我買的餐枱喇, 超鐘意呀! 1.2m長, 胡桃實木, 火山石面, 連紫灰色4椅, 椅套可除下來清洗, total $5,000人仔 (運費再加$450人仔)

其他傢俬都好靚, 好鐘意, 好舒服咁呀.......