哈哈哈....... 又係花花煲出場時間喇!!
今次用咗佢黎煮栗子炆雞亦!
入秋後, 街市有好多栗子賣呀, 又平又靚!
當然要買d黎食下啦!
材料:
栗子 1磅
甘筍 1條
雞亦 12隻
醃料:
豉油2湯匙, 砂糖3茶匙, 燒酒2茶匙, 麻油少許, 生粉1茶匙
做法:
1. 雞亦解凍及洗淨後, 加入醃料醃至少半個鐘
2. 栗子先煲5分鐘, 待涼去皮備用
3. 薑片蒜頭起鑊, 倒入雞亦, 煎至金黃色, 再加入栗子及甘筍略炒
4. 加入1 碗清水, 用中火煮至滾起, 攺用細火煮20分鐘
5. 試味埋芡, 熄火焗15分鐘即可
溫馨提示:
1. 炆煮過程中, 要間中炒下d雞, 咁做可以令雞件及栗子平均受熱, 最重要係避免痴底
2. 因為用LC, 先可以用1 碗清水去炆, 而又唔駛睇火架咋........ 但如果用普通煲/ 鑊去煮, 請用5碗清水, 而且仲要間中睇下有冇乾水先得!
沒有留言:
張貼留言