Staub南瓜 - 自相殘殺

新南瓜煲已經返到屋企!

係我至愛的漸變橙黃色! 100個like架...... 

上次用咗佢黎煲紅豆沙, 今次就叫佢幫下手煮南瓜雞腿......

南瓜煲煮南瓜........ wakakaka...... 自相殘殺! 

豐富的雞油, 可以養鍋, 因為當內壁吸收油份後, 唔會再咁易痴底架!

習慣咗洗煲前, 用滾水浸鍋底15分鐘, 會易清潔d!!!!

約1寸高水位就得, 唔駛浸晒成個煲架....... !

我連洗潔精都唔落, 只用海棉及滾水清洗...... 除非d餸好大陣味啦, 我先會用少少洗潔精去洗下.........

咁做的話....... 鍋子內壁會變得更加油潤! 越來越好用架!



材料:
南瓜半個
雞腿4隻
薑2片
紅蔥頭1粒
蠔油2湯匙
清水半碗

雞腿醃料:
豉油2湯匙, 砂糖3茶匙, 燒酒2茶匙, 麻油少許
做法:

1. 雞腿解凍, 洗淨及切件後, 加入醃料醃至少半個鐘

2. 南瓜洗淨及切件備用

3. 凍鍋落油, 加入薑片及紅蔥頭起鑊, 倒入雞腿, 煎至金黃色, 再加入南瓜略炒

4. 加入半碗清水及蠔油, 用中火煮至滾起, 改用細火煮20分鐘

5. 調味埋芡, 熄火焗15分鐘即可

溫馨提示:

1. 炆煮過程中, 要間中炒下, 咁做可以令雞腿及南瓜平均受熱, 最重要係避免痴底

2. 因為用Staub, 先可以用半碗清水去炆, 而又唔駛睇火架咋........ 但如果用普通煲/ 鑊去煮, 請用5碗清水, 而且仲要間中睇下有冇乾水先得!



做法過程:

爆香薑片及紅蔥頭, 加入雞亦腿煎至金黃色


再加入南瓜略炒

冚蓋, 用細火煮20分鐘即可


話咁快就煮好......... 可以開飯喇