長洲一日遊

長洲一日遊, 過年前已經開始計劃,

但因種種原因, 未能成行~~~ 

早前落咗成2個星期雨咁耐...... 好鬼悶呀!

難得星期日天朗氣清, 一於到長洲行一轉先!   

當然約埋Charlie的姑姐 - Carol啦, 多d人好玩d!!!

入到長洲已經12:45, 去咗冬菇亭是但食d野先- 雲吞麵魚蛋粉~~~ 

之後再掃街, 一路行一路食, 食到冇停口~~~ 阿女就最開心啦, 有咁多野食!! 



又氣好好呀, 天朗氣清

出咗碼頭, 一路向右行, 好多舖頭及食店呀~~~


好古舊的建築呀, 有feel~~~

依度就係我地醫肚的冬菇亭~~~


爸爸訓示中: 食好d啦阿女~~~ 


雲吞麵好耐冇食喇~~~ Yummy~~~     

細細粒, 一口一粒~~~ 好鮮味呀!!!


路邊有好多海味乾貨賣, 價錢OK架~~~

仲有菜乾, 蝦膏添, 好多元化~~~

wakakaka...... 長洲好出名的大大粒魚蛋, 超多人排隊呀


嘩...... 幾多種類!!! 要咩有咩~~~


一串串大粒魚蛋, 要回鑊炸過先食得~~~

就係用依2個電炸爐黎炸架喇!!!

黎個近鏡先..... 真係超大粒!!!  

豆卜反轉再醸入魚膠, 外脆內爽, Yummy~~~~

等咗咁耐, 終於買倒喇~~~~

好多懷舊玩具呀~~~ 勾起唔少童年回憶 

阿女買咗弓箭黎玩呀~~~~ 

行冇幾遠, 見到間茶果店, 售賣紅豆糕, 芝麻糕, 缽仔糕, 糯米糍, 雞屎藤, 水晶餅, 西米糕, 馬豆糕等等~~~ 多到唔知要咩好!!

阿女要咗花生糯米糍, 仲話好好食添呀!!

睇下....... 姑姐買果串薯片~~~ 好juicy又脆! 好味  

為食妹食到個咀係晒白粉~~~

我的芝麻紅豆糕 & 奶黃西米糕~~~ Yummy!!!

阿女超high呀...... 笑得幾燦爛~~~

依間舖頭係賣紅豆餅架~~~ $5/個 ($18/4個)


新鮮熱辣...... 好味~~

紅豆餡唔係太多, 啱啱好!!!

天氣咁好, 真係好想去游水呀~~~ 

回程路上, 聽見醒獅表演的聲音, 阿女就一支箭咁走去睇~~~

好嘈又大聲, 但阿女冇驚喎..... 反而睇到眼定定, 唔捨得走~~~

平安包呀!!! 買返幾個都好喎!!!