泰國5天之旅 - Day 3

行程: 野生動物園 + Chocolate Ville + 姐娥泰菜晚餐+唐人街

今日行程相當豐富架!

一早8:00, David己到酒店接我地, 開40分鐘車就去到野生動物園, 唔算太遠~~

參觀這個野生動物園, 比較特別...... 所有遊客要坐車參觀的, 園內見到旅遊巴, 私家車, 的士~~~

真係零距離接觸架, 可以開窗任睇~~~ 任影~~~ 但唔可以落車!

當然....... 去到獅子老虎區域, 進入前必須關好玻璃窗啦, 否則後果自負!

除咗睇動物之外, 仲可以餵下佢地架, 包括: 天鵝, 梅花鹿, 長頸鹿, 大象~~~

阿女餵到唔捨得走呀! 特別係長頸鹿, 足足餵咗5桶香蕉, 先肯乖乖離開~~~



今日乖到呢..... 居然肯比我影相~~~ 哈哈!! 期待已久的動物園, 今日終於黎到喇!!


David 沿路不停講解, 又教Charlie各種動物的名稱(英文及國語), 好用心呀!!!


我估依d 係塘鵝黎掛~~~ 哈哈~~~


依隻斑馬一直跟住我地~~~~ 唔知佢攪咩鬼


嘩........... 好多長頸鹿呀!


阿鹿: 你飲依d泥漿水, 唔會肚痛咩???


仲有玲羊大哥......


日本見過的梅花鹿, 佢地好為食架~~~


仲有好多鹿BB~~~




獅子餵食中~~~ 玻璃窗一定要關上, 所以相片顏色怪怪地~~~


佢地真係好餓下喎~~~~


懶洋洋的大猫 - 老虎


坐車參觀完, David 帶Charlie去餵動物, 佢準備咗青豆角比梅花鹿食~~~ 好細心啊!


阿女餵得好認真, 佢真係大個咗, 唔驚餵動物喇, 上次係台灣餵羊咩咩都驚餐飽架!! wakakaka




去睇海獅表演, 又熱又肚餓, 食個包包頂住先~~~




阿女行吊橋就至high喇, 不停係咁un un下........ 仲哈哈大笑~~~




12:30~~~ 室外好熱好熱.... 好彩有d風, 否則....... 中暑都似!

真係又熱, 又渴, 又肚餓呀~~~

入到園內的餐廳, 嘩........ 超爽呀! 好涼....... 真係唔拾得走!!

食物選擇唔多囉, 而且唔多好食...... 食咗半碗魚蛋粉+幾隻mini香蕉就算......

食唔落口唔緊要....... 涼下冷氣都好!






食飽飽, 同咗阿女去餵天鵝~~~


好攪笑, 阿女周圍走, 要去餵其他未有得食的天鵝喎...... 真係好有愛心!! 驚其他冇得食, 會肚餓呀!!


左邊果個就係David 叔叔喇, 唔知點解阿女同佢好friend喎~~~ 一d都唔驚佢


終於黎到長頸鹿地區喇~~~~


Charlie不嬲都好鐘意長頸鹿架, 有得零距離接觸, 當然開心啦~~~ 足足餵咗5桶香蕉咁多!!



之後, 我地去咗Chocolate Ville影相, 風景真係好靚~~

不過下午時分, 真係好鬼熱, 行咗半個鐘, 影咗少少相就即刻走人~~~~




























玩咗大半日, 又累又餓~~~

提早6:30到姐娥(Jea Ngor Kitchen)食晚飯..... 再到唐人街行下+買手信~~~

一場黎到泰國, 當然要試下正宗泰菜先得啦~~~

我地一日前已係總店Book枱, 冇咩裝修架, 舖頭唔算大, 所有食客都係當地人....... 所以我地一家好格格不入呢~~

其實我地都係想食好野, 地道野啫..... 冇裝修冇咩所謂啦! 好味就得~~~ 而且總店係唔收17%稅架! wakakakaka~~~

見咁多當地人黎食, 好有信心~~~ 聽講....... 總店的出品係好味d!

以下係姐娥的website, 有齊晒分店地址及電話~~~
http://www.jengor-seafoods.com/index.php?lang=th&option=custom&id=66&sub=65 (總店地杫)

餸菜真係好好味~~ 唯一唔滿意的就係蒸肉餅~~~

如果唔係阿女要食, 我都唔會order...... 蒸得好鬼dry, 一d 都唔juicy~~~ 同HK果d 差好遠!!!







廚房好清潔整齊~~~


我地order的餸菜: 冬陰公, 炒通菜, 鹽燒鱸魚, 蒸肉餅(未上枱)


這鍋冬陰公真係好鬼正~~~ 味道好到冇得彈! 一定要order~~~


手工菜, 清炒通菜絲~~~ 學下整都好喎~~~


鹽燒鱸魚, 魚肚內放有香茅, 而且有打scale的..... 魚肉好滑~~


嘩.......... 超多蝦膏呀!


大大隻的大頭蝦~~~ yummy!!! 好味到唔停得口~~~



食過晚飯, 去咗唐人街行下+shopping........ 買下手咁啦~~~

6年冇去過, 分別唔大囉........ 依然咁多人, 咁熱鬧~~~

原本諗住食粉絲蟹鉗煲, 魚翅的........ 但晚餐食得太飽喇, 最後放棄咗!!

超攪笑呀......... 居然老外開車仔檔, 賣湯粉喎~~~


仲有去皮蛇皮果賣~~~ 好清甜架, 試下!


石榴汁....... 唔知有冇加糖水架呢? 好驚飲佢地的飲品~~~ 甜到C!


即做的香蕉pancake


兩父女係度攪攪震, 冇幫親~~~~


干腰榴槤(有長抦), 清甜又香濃~~~~ 一定要試!!!


價錢唔平架, 但比起HK, 咁就平好多啦~~~


似temple street 嗎???


指定動作, 又到林真香瘋狂掃貨~~~