哈哈哈........ 去完泰國之後, 發晒癲呀!
變得好鐘意食泰菜, 上次煲完冬陰公, 今次又試整香茅鹽焗鱸魚!
'姐娥'的香茅鹽鱸魚實在...... 太令人回味喇....... 一試就即刻愛上, 念念不忘架~~~
我估做法應該幾簡單, 因為只有鱸魚, 香茅及幼鹽咁多~~~
於是的起心肝去試, 焗咗30 mins, OK成功喎........ so easy!!!
魚肉經過長時間慢焗, juicy又嫩滑架~~~ 點上泰式酸辣汁, 就最正啦~~~~
幼鹽的處理, 我參考咗鬼嫁的蛋白混合法, 好正呀~~~
蛋白將幼鹽緊緊的痴埋一齊, 唔會散開架, 好易handle!!
題外話......................
網上見倒人地的食譜/技巧, 而又用咗的話, 好應該講明出處~~~
上當年的畢業論文, 都係咁做啦!! 就算冇做過論文, 唔緊要....... 都應該知道版權問題掛~~~
記得...... 係Le Creuset & Staub Fans及Le Creuset自由煮, 我分享過豆腐花食譜,
起初為咗分享, share cooking心得, 好開心大家咁鐘意個食譜!!!
Group中人人整豆花~~~ 好熱鬧, 好開心啊!!
但久而久之....... 有d人當作係自己的出品.........
無論係食譜/技巧/ 論點, 依d 都係人地的財產, 唔應該抄襲, 而當作自己的出品, 就更加可惡!!!!
Group中見得太多依d人......... 傷心又心淡~~~ 甚至好氣憤!
前排同鬼嫁討論此事, 原來佢都有同感,
佢甚至被人抄相添..... 聽倒都O晒咀~~~ 居然連相都抄!!! 果d人實在太過份喇~~~
材料:
鱸魚1條
香茅3支
幼鹽一包 (用粗鹽都得, 冇所謂)
蛋白一隻
做法:
1. 鱸魚開肚, 去除內臟及魚鰓, 要留魚鱗, 唔好刨走
2. 香茅洗淨, 切成12cm長, 塞入魚肚內
3. 幼鹽及蛋白攪混, 舖係鱸魚身上, 砌出魚型, 魚底唔舖都得
4. 預熱焗爐220度10分鐘, 放入鱸魚後, 以200度焗30分鐘即可
5. 鱸魚出爐後, 先放涼10鐘
6. 用硬物敲碎鹽塊, 揭起魚皮即可食用, 食時配上泰式酸辣汁
仲有鎮江醋炒薯仔絲~~~ yummy!
拿手小菜 - 腐乳雞翼~~~ 好味到震! 年多前係阿列個blog學的~~~ 終身受用架!
去鹽後的鱸魚, 有d 似鹹魚呀~~~
揭起魚皮, 仲出煙架....... 熱辣辣!!
做法逐格睇:
鱸魚留魚鱗, 千其唔好刨走, 塞入香茅
一隻蛋白跟幼鹽攪混, 咁樣幼鹽就會鬆散啦~~~
平均舖上幼鹽, 砌成一條魚型呀~~~
幼鹽沾上蛋白, 好漿呀, 一d都冇鬆散架~~~
以200度焗30 mins~~~~
焗完後, 幼鹽變得好硬, 要用硬物敲碎先得
慢慢敲碎幼鹽~~~
魚的外皮比較乾, 有d 似鹹魚look~~~
但裡面的魚肉就好juicy, 仲好嫩滑添~~~
話咁快就食咗半邊喇~~~ yummy!!!
用17 oval煲糖水, 至perfect啦~~~ wakakaka
大大粒西瓜我鐘意~~~
唔好激氣,我好記得係你響group 帶起整豆腐花呢個潮流架. 個鹽焗鱸魚我好有興趣呀,如果魚底唔鋪鹽會唔會兩邊魚肉味道唔同咗呀?d 魚肉會唔會有鹹味?
回覆刪除[版主回覆07/30/2013 08:51:17]~多謝你支持!!
~ 鹽焗鱸魚好易做, 快d試下啦~~ 其實魚肉係冇咩鹹味的, 所以唔駛驚唔同味架! 果層鹽其實係包住條魚架咋~~~
唔好意思! 我有個白痴問題, 留scale, 係咪留魚鱗呀??
回覆刪除[版主回覆07/30/2013 13:28:19]唔好客氣, 多d到訪啦~~~
[Tip Mui回覆07/30/2013 11:13:48]唔該晒呀!Sorry sorry!
[版主回覆07/30/2013 10:52:18]冇錯呀, 即係留魚鱗.... 我唔識打個鱗字.....sorry ~~~
Hello~~ 第一次到訪^^"
回覆刪除估唔到呢款菜式都可以自家制, 真係開心大發現呀!
想請教, 如果改用烏頭魚可以嗎? 時間/溫度方面要唔要改呢? thanks!
[moon回覆07/30/2013 14:21:22]收到, thanks!!
除左"鮫魚"買過嚟煎之外, 未整過其他魚的, 同埋我唔識劏魚
[版主回覆07/30/2013 13:31:20]~哈哈, 多謝到訪先~~ 平時出街食到正野, 我都會試下係屋企煮架, 平好多!
~改用烏頭魚當然可以啦, 其實佢同爐魚差多大, 我諗30 mins足架喇~~~ 記得唔好打鱗喎......
嘩~ 好吸引呀~
回覆刪除加左旦白係咪會易痴實啲鹽呀?
而家面書啲食譜都唔會好似以前初初咁, 寫明係邊個, 個個整完當左自己, 唉.....
[Lam...回覆08/01/2013 13:37:00]等我有機會試下整先~ thx
[版主回覆08/01/2013 11:22:47]係呀.... 跟鬼嫁加咗蛋白, d鹽好易handle~~~ very good!
嘩~ 好吸引呀~
回覆刪除而家面書啲食譜都唔會好似以前初初咁, 寫明係邊個, 個個整完當左自己, 唉.....
[版主回覆08/01/2013 11:21:43]人多複雜咗..... 心淡~~
今晚整左喇
回覆刪除[版主回覆08/05/2013 17:21:34]嘩...... 好開心聽倒你話好食呀!!! post咗去邊個group呀? 我睇唔倒o既~~~
咪就係....最受歡迎嘅 "Le Creuset X Miele X 敗家情報專區" 囉! HAHA~~ 不過我張相...可能已經沈左底LU
回覆刪除P.S. 我有講明係跟妳整的...仲整埋炒爽絲添