計上次用Miele整白切雞,
今次又試整泰式海南雞~~~
其實冇特別架啫, 只係唔用薑蔥蓉, 改用泰式酸辣汁咁大把!
但係口味完全唔同, 改少少又係另一種風味~~~ 變成另一個餸喇!
泰式酸辣汁, 我係佐敦永安, Basement的食品部買架~~~
係fb有人問我, 隻雞要唔要醃下先蒸~~~
其實, 我咩都冇醃架, 直接蒸就得,
因為泰式酸辣汁/薑蔥蓉, 己有味.....
唔想食得咁重口味~~~ 清淡d 好!!
鐘意的話, 都可以加少少幼鹽醃下隻雞的~~~
講開蒸法, 其實用Miele/中式鑊都得架, 蒸30分鐘即可~~~ 好簡單!
蒸好後, 用牙簽吉下雞脾最厚肉的位置, 輕易吉入的話, 即係代表熟晒喇~~~
材料:
冰鮮雞一隻
泰式酸辣汁2湯匙 (點雞用)
做法:
1. 冰鮮雞洗淨, 去除內臟及毛毛(如有)
2. 以100度, 蒸30分鐘, 涼切件即可, 食時配上泰式酸辣汁, 好好味!!!
剪/斬雞程序:
1. 先將隻雞一開二(由胸骨開始, 一路剪到雞背)
2. 再剪去雞翼及雞脾
3. 雞身打直剪, 一開二
4. 最後, 將每個部份再剪成細件就得
雞..... 我係剪的, 唔係斬~~~ fb谷友都贊我的剪功好~~~ 哈哈!!! 大家太過獎喇~~
重口味的泰式酸辣汁, 好鬼正..... 配上清炒粉絲津白, 平衡一下先.......
隻雞剛好夠熟, 好滑呀~~~~ 影緊相時, Hubby已經攞咗隻雞脾食先!!
依隻係我o既~~~ yummy!! 滑到冇朋友~~~
做法逐格睇:
用雞剪好難排得隻雞靚, 但你都排得好靚.
回覆刪除[版主回覆07/07/2013 12:17:27]多謝你呀Helen~~~ 過獎喇
原來係姐姐刀功勁?
回覆刪除[版主回覆07/09/2013 15:02:22]姐姐真係好勁..... 要學下佢師先得呀!
勁, 比我剪我會成隻食好過
回覆刪除[Lam...回覆07/09/2013 15:56:13]試過剪到我手痛, 所以多數焗雞食, 要斬既就要等C6出手
題外話 ~ 去旅行玩得開心啲 ~
[版主回覆07/09/2013 15:02:52]過獎..... 成隻點食呀??