自從係'姐娥'飲過冬陰公, 一直念念不忘~~~ 好想再飲多次!
一於用Blue Elephant冬陰公湯包黎整先~~~ 加埋少少配菜及鮮蝦就食得, 冇難度~~~
係泰國買咗唔少乾香料, 什麼檸檬葉呀, 香茅呀~~~ 加少少落去仲正~~
完成品跟'姐娥'所做的, 有90%似架....... 好好味~~~ Yummy!!!
材料:
冬陰公湯包一盒 (有辣醬, 椰奶粉, 魚露約一湯匙)
唐芹2棵
芫西3棵
草菇半斤
乾檸檬葉4片
乾香茅一湯匙
指天椒3隻
青檸一個
大蝦7隻
做法:
1. 將材料洗淨, 草菇一開二, 唐芹切段(約3"長), 芫西去葉留莖, 指天椒切粗粒留子, 青檸留皮切片
2. 大蝦去腸去鬚, 頭身切開
3. 煲滾半煲清水(約1L), 加入冬陰公湯包材料(魚露除外), 檸檬葉, 香茅, 指天椒及 蝦頭, 以中火煲10分鐘, 轉細火煲15分鐘
4. 最後加入唐芹, 芫西, 草菇, 蝦身, 青檸及魚露, 以細火煲10分鐘即可 (魚露已有鹹味, 唔駛落鹽架喇)
這是全部材料
慢慢加入材料~~~
加入蝦頭, 用黎出味~~~ 蝦膏好香架!
最後加入蔬菜類~~~
話咁快就煲好喇~~~ 好香呀!
哈哈......... 開飯喇!
Yummy...... yummy~~~
Miele蒸魚, 快靚正~~~
泰式薑汁炒芥蘭
用Miele蒸埋飯, 100度22 mins~~~ 好方便!
白飯粒粒分明架!!!
第一次煮的冬陰公, 好得....... 好好味呀!!!
大蝦淡淡肉~~~ 正呀!
我都買左少少醬返黎, 不過係另外一隻牌子, 煮過一次咁大把咋 懶呢~
回覆刪除[版主回覆07/29/2013 13:25:48]wakakaka..... 煮多d啦~~ 唔好side晒d醬及你的LC煲!!
早排冇咁熱,我都瘋狂連續煮咗幾次冬蔭功. 等我過多排冇咁熱又試下你送俾我d 醬料先.
回覆刪除[版主回覆07/30/2013 08:36:01]好呀~~~ 期待睇你的作品!