金華火腿用途好多, 煲湯炒菜都用得!
早前買咗件, 今日得閒d, 可以同佢拆骨喇!
我做事, 都好有效率架! wakakaka..........
一次過好晒, 方便好多, 唔駛每次用都要切嘛.........
先起肥肉, 再切成一粒粒,
瘦肉部份, 我會切成一片片!
起出黎豬骨, 唔好掉呀, 用黎煲湯一流架!!! 物盡其用, 唔好浪費......
切好晒之後, 要準備保鮮報紙, 剪細細塊備用,
肥肉3粒一包, 瘦肉3片一包........ 豬骨要獨立一包,
包好之後, 全部放入保鮮袋內, 再放入冰格!
第時要用, 就可以好容易拎出黎, 用幾多拎幾多, 唔駛驚痴成一舊舊啦!
其實, 肥肉3粒可以用黎起鑊用, 炒菜煮餸好鬼香架!!!!
而瘦肉部份可以煲湯/ 炒菜都得,
可以整我鐘意食的牛奶津白, 將瘦肉切成肉碎, 灑面就得!!
沒有留言:
張貼留言