紫色的祕密

今次煮的茄子, 顏色好鬼靚....... 係我最鐘意的紫色!

煮好都可以keep倒依隻色, 真係好正!

事關.......... 從網上得知一個祕訣...... wakakakaka!!!

可以同大家分享一下, 只要切好茄子後, 用少少雞粉醃下, 就可能keep倒靚靚的紫色架喇! 係咪好簡單呢?

亦都有人話, 用洗米水浸住d茄子都得, 但我未試過!

下次煮茄子, 一定會用洗米水這個方法, 到時再同大家分享心得!





材料:
茄子2條, 豆豉1湯匙, 蒜蓉3茶匙


汁料:
豉油3茶匙, 糖2茶匙, 水半碗,   (麻油少少, 生粉半茶匙) --> 後落

做法:

1. 茄子洗淨切條, 用雞粉略醃備用

2. 落油爆香蒜蓉, 加入豆豉略炒

3. 加入茄子及汁料(麻油及生粉除外), 用細火煮至軟身

4. 調味後, 加入麻油及生粉水埋芡即可