嘩...... 近期真係好手痕, 好似好耐冇親自煮飯.....
好想搵d野煮下..........
襯今晚得閒少少, 一於焗春雞啦! 加埋什菜, 顏色搶眼, 又健康! Yummy.......
其實e個餸做法好簡單, 35分鐘就食得!
今晚我仲整咗幾塊蔥抓餅, 一於中西合壁先!
如果配咖哩食, 就真係一流呀!
材料:
春雞1隻, 甘筍1條, 薯仔1個, 西蘭花1個
春雞醃料:
豉油1.5湯匙, 砂糖2茶匙, 燒酒3茶匙, 麻油1茶匙, 蒜蓉適量
什菜調味料:
豉油0.5湯匙, 砂糖1茶匙, 麻油0.5茶匙, 生粉1茶匙, 清水半琬
做法:
1. 先將春雞解凍及清洗, 剪開雞背及剪去脊骨, 將春雞壓平後, 搽上醃料備用(至少3個鐘先入味)
2. 預熱焗爐10分鐘180度火
3. 雞亦及雞腳必需包上鍚紙, 以防烤燶變黑! 放入焗爐中, 烤35分鐘
4. 什菜先汆水約5分鐘, 後略炒及加入調味料備用
5. 烤雞最後10分鐘, 加入已炒過的什菜圍邊, 入爐再焗即可!
製作過程
(1) 切好材料, 雞亦及雞腳包上鍚紙
(2) 什菜先汆水, 後略炒備用
(3) 完成喇, 只需35分鐘!
(4) 好嫩滑呢! d皮好脆.......... 正!!!
沒有留言:
張貼留言