又係時間煲湯比佢地兩父女飲喇~~~~
蕃茄薯仔三文魚骨湯好有益, 一於煲依個啦!!!
今次加咗茴香根及西芹葉添, 好正~~~ 超鮮甜呀!
材料:
三文魚骨1盒
豬肉$15
蕃茄3個
薯仔1個
茴香根及西芹葉 (可以唔加)
薑片蒜頭適量
清水大約2L (一半煲身水位)
做法:
1. 三文魚骨洗淨, 切去魚皮及肥膏備用
2. 蕃茄, 薯仔及豬肉洗淨及切成大件備用
3. 茴香根及西芹葉洗淨備用
4. 凍鍋落油, 爆香薑片及蒜頭, 煎香三文魚骨, 直至變色
5. 盛起三文魚骨, 用廚紙吸去鍋中油份, 加入清水煲至滾起
6. 加入所有材料(西芹葉除外), 用中火煲15分鐘, 轉細火煲45分鐘
7. 最後15分鐘加入西芹葉, 落鹽試味即成
做法過程逐格睇~~~
凍鍋落油, 爆香薑片及蒜頭
煎香三文魚骨, 直至變色
盛起三文魚骨
睇下~~~~ 好多油呀!!!! 一定要吸走~~~~
用廚紙吸去鍋中油份~~~
嘩........... 張廚紙超油呀!!!
加入所有材料(西芹葉除外), 用中火煲15分鐘, 轉細火煲45分鐘
完成品, 都係好多油喎...... 要畢走先飲得!!! 再加埋西芹葉, 煲多15分鐘就OK喇~~
沒有留言:
張貼留言